Molinari Maria - La madunnuzza addulurata

Data: 2017-08-31 22:39:53 - Categoria: 28^ Edizione del Premio Premio "Rosario Piccolo" 

Molinari Maria
La madunnuzza addulurata

Oh, Madunnuzza, tristi e addulurata,
Vergini Santa, afflitta e scunsulata,
cu tuttu lu duluri e lu turmentu
n'cielu tu aisi vuci di lamentu.
Quanta pietà tu versi n'funnu n'funnu,
ti senti senza vita e senza forza
mentri na spata di focu e di duluri
ci fu chiantata dintra a lu tò cori.
L'occhiuzzi toi chiù nun hannu chiantu,
talianu lu munnu attossicati,
tuttu nivuru e friddu è lu tò mantu,
li manu, comu n'cruci, abbannunati ...
"Senza mè figgi, dunni vaiu, chi fazzu?
Iu chiù nun sentu la so vuci santa,
iù chiù non viu la so facci bianca,
tutta un duluri e tutta nsanguliata!
Ah, cruci, cruci, tu mi lu pigghiasti,
cu tri pungenti chiova trapassasti,
sti bianchi manu e sti pedi amurusi ...
Picchì stu figghiu santu turmintasti?
Aspetta, figghiu miu, chista curuna
ti levu adasciu adasciu ...e lu duluri
cu na carizza tuttu lu scancellu ...
Dormi ora, figghiu, supra le mè cori! ..."


Commenti: